Að búa til myndskeið með kynni hefur hingað til kallað á umstang og fjárfestingu. Nauðsynlegt hefur verið að hafa upptökustúdíó með öllum búnaði, grænan bakgrunn, og leikara sem les textann af teleprompter. Ef ætlunin hefur verið að gera myndskeið á nokkrum tungumálum þarf annað hvort kynni með víðtæka tungumálakunnáttu, eða marga kynna.

Nýja tæknin sem Grípandi notar opnar möguleika á að gera hluti á hagkvæman hátt, sem fæstir gátu látið sig dreyma um. Manneskjurnar og talið í myndskeiðunum eru tölvuunnin með hjálp gervigreindar, og kostnaður er miklu lægri en áður hefði verið.

Dæmi um Kynningarmyndskeið: Íslandskynning

Hér var búið til dæmi um kynningu á Íslandi, til að sýna hvað hægt er að gera.

Útgáfurnar eru á níu tungumálum: Íslensku, ensku, frönsku, pólsku, lettnesku, litháensku, rúmensku, filippeyísku og taílensku. Þetta eru tungumál erlendra hópa sem eru algengir á íslenskum vinnumarkaði.

Athugið að textinn var þýddur með hjálp Google translate og var ekki prófarkalesinn af þýðanda í viðkomandi tungumáli, enda er hér bara um dæmi um myndskeið að ræða til að sýna.

Mismunandi bakgrunnar

Í þessum myndskeiðum er skipt út bakgrunnum til að sýna hvernig hægt er að hafa mismunandi útlit.