Kynnarnir (persónur)

Þessa stundina hefur Grípandi aðgang að kynnum (persónum, á ensku nefndar “avatars”) af fimm mismunandi gerðum. Þetta eru kynnarnir sem tala, og eru kynnarnir tölvuteiknaðir eða tölvuunnir með hjálp gervigreindar (AI), og talið er tölvugert. Bestu gæðin í tali eru með “neural” tækni, en þá er tölvugert talið nánast óaðgreinanlegt frá tali hjá lifandi manneskju.

Framboðið og skilyrði fyrir notkun eru mismunandi. Almennt eru skilyrði fyrir notkun að ekki má láta kynnana tala um efni sem eru ósiðleg, ólögleg, o.s.frv. og í einu tilviki þarf að tékka af efnið áður en leyfi er gefið.

Við sýnishornamyndskeiðin á vefnum kemur fram af hvaða gerð viðkomandi persóna er (Lifandi, hágæða 1, hágæða 2, teiknuð, og ljósmyndagrunnur kyrrstæður). Hér er yfirlit yfir þessi atriði:

Lifandi grunnur (videoupptaka af persónum)

Hér eru 70 kynnar í boði, af báðum kynjum og á mismunandi aldri. Þessir byggja á videoupptökum sem tölvan lætur svo tala. Hægt er að hlaða upp hljóðskrá af tali, eða skrifa inn texta sem tölvukerfið breytir í tal, á ýmsum tungumálum. Þessi myndskeið eru í HD upplausn (720×1280 pixels), sem er nokkuð gróft. Vænanlegt er að þau séu í Full HD (1080×1920 pixels) sem eru betri gæði. Ekki eru takmarkanir á magni í hverjum mánuði sem Grípandi getur gert.

Þessi aðili býður líka það sem þeir kalla “talking faces” sem þýðir að talandi manneskja er ekki hluti af myndskeiði, heldur birtist neðst á tölvuskjánum/vefsíðunni sjálfri, og er hægt að nota til ýmissa hluta. Grípandi er ekki með áskrift að þessari þjónustu en það má skoða það ef áhugi er á.

Hér sést dæmi um persónur sem eru í boði, hluti af 70:

Hágæða 1

Hágæða 1 er leiðandi aðili á þessu sviði. Gæðin á persónum eru mjög góð. Eins og í Lifandi grunni er byggt á videoupptökum þar sem tölvan býr svo til talið með gervigreind. Hér eru um 50 kynnar í boði. Hægt er að flytja hljóðskrá inn, en einnig texta sem persónan talar, á mörgum tungumálum.

Hér eru allnokkrar hömlur á því efni sem má búa til, en það eru litlar líkur á að það sé verið að búa til efni hjá Grípandi sem er ekki leyfilegt.

Grípandi er þessa stundina með takmarkaða áskrift og getur aðeins gert takmarkað magn af myndskeiðum á mánuði, en er að gera fyrirspurn um verð á ótakmarkaðri “enterprise” áskrift (desember 2021). 

Hér sést dæmi um persónur sem eru í boði af Hágæða 1 gerð, hluti af 50:

Hágæða 2

Þessi býður hágæða persónur, sem eru byggðar á videogrunni eins og Hágæða 1.

Hér er aðeins í boði að talað sé á ensku. Hægt er að hlaða upp hljóðskrá, eða skrifa texta sem tölvan býr til tal úr. Efnið er athugað af starfsmanni áður en gerð myndskeiðs er samþykkt, og nokkuð stífar reglur eru um hvað má láta persónuna tala um.

Í ráði er að bjóða fleiri tungumál “soon”. Hér eru færri persónur í boði en í hinum valkostunum, en fleiri persónur eru væntanlegar “soon”.

Hér eru minni takmörk varðandi magn efnist sem gert er í mánuði heldur er er (þessa stundina) af gerðinni Hágæða 1, enda Grípandi með ótakmarkaða áskrift.

Hér má sjá yfirlit af persónum af gerð Hágæða 2 sem eru í boði (desember 2021) og persónum sem eru væntanlegar – “coming soon”.

3-D grafík og teiknaðar “cartoon” persónur, kyrrstæðar.

Hér eru teknar 3-D tölvuteikanaðar myndir eða teiknuð andlit (“cartoon”), og tölvuhugbúnaður lætur þær tala. Þessar persónur eru því ekki byggðar á uppteknu myndskeiði eins og gerðirnar þrjár að ofan. Þær eru því ekki eins lifandi og raunverulegar og gerðirnar að ofan sem byggja á uppteknu myndskeiði.

Þar sem þetta eru ekki myndir af raunverulegum manneskjum, og myndskeiðin eru gerð beint af Grípandi, eru minni takmörk á því hvað er hægt að láta persónurnar segja. Grípandi áskilur sér samt rétt til að hafna einhliða efni sem Grípandi telur óviðurkvæmilegt.

Engin takmörk eru á magni af efni sem Grípandi getur gert á mánuði, eða lengd myndskeiða.

Hér má smá þær persónur, teiknaðar og 3-D tölvuteiknaðar, sem eru í boði:

Persónur byggðar á ljósmyndum, kyrrstæðar.

Þessar persónur eru útbúnar af Grípandi beint. Þær eru unnar þannig að teknar eru fjórar ljósmyndir af raunverulegu fólki, og þær látnar renna saman í eina mynd með “morphing” tölvutækni. Svo er bætt við hári sem er af fimmtu persónunni, og loks er bætt við búk undir í fatnaði, sem er af sjöttu persónunni.

Úr þessu verða nokkuð sérkennilega stöðluð og yfirmáta fáguð mynd af manneskju, sem er þó raunverulegri en teiknuðu/3-D teiknuðu persónurnar hér næst fyrir ofan, enda byggð á ljósmyndum. En þessi “persóna” er ekki til í raunveruleikanum sem slík, þar sem andlitið tilheyrir ekki einni lifandi manneskju. Ekki er hægt að greina vel hvaða persónum andlitið er byggt á, þar sem um er að ræða fjögur andlit en ekki tvö. Að láta fjórar persónur renna saman í eina gerir að verkum, að persónusérkenni þurrkast næstum alveg út.

Þar sem þetta er ekki manneskja á myndinni sem hægt er að rekja hver er, eru minni takmörk varðandi hvað hægt er að láta persónuna tala um, enda minni hætta hvað varðar persónuvernd. Þetta gæti átt við um kynningar á vörum sem tiltekinn einstaklingur er ekki endilega sáttur við. Grípandi áskilur sér samt rétt til að hafna einhliða efni sem Grípandi telur óviðurkvæmilegt.

Engin takmörk eru á magni af efni sem Grípandi getur gert á mánuði, eða lengd myndskeiða. Hægt er að láta persónur tala mörg tungumál, enda er hljóðskrá hér notuð, en ekki skrifaður texti.

Hér undir eru tvö dæmi um svona “samrunapersónur”, hvor um sig gerð úr fjórum ljósmyndum.